Social Psychological and Personality Science ամսագրում կանադացի գիտնականները հրապարակել են հետազոտություն, ըստ որի՝ Ֆաստ-ֆուդերը նաև անուղղակիորեն են ազդում մարդկանց կյանքի վրա: Եթե անգամ մարդ համբուրգեր չի ուտում և պիցցա չի պատվիրում, այլ ուղղակի ապրում է խորտկարանի կողքին, ապա կյանքի նկատմամբ հաճույքը նվազում է:
Տորոնտոյի համալսարանը հարցում է անցկացրել մի քանի հարյուր ամերիկացիների շրջանում՝ նկատո՞ւմ են արդյոք առօրյա գեղեցկությունը: Հարցման մասնակիցների պատասխաններից մասնագետները հանգել են այն եզրակացության, որ խորտկարանների առկայությամբ մեծ թվով թաղամասերում ապրում են այնպիսի մարդիկ, ովքեր ունակ չեն նկատել կյանքի գեղեցկությունը: Նրանք, ովքեր ունակ են նկատել գեղեցկությունը սովորական իրերում, որպես կանոն, ապրում են քաղաքի կենտրոնում, որտեղ շատ են թանկարժեք խանութներն ու ռեստորանները, կամ էլ այնպիսի թաղամասերում, որտեղ խորտկարաններ չկան:
Ըստ գիտնականների՝ արագ սննդի կետերին մոտ լինելը մարդկանց անհամբեր է դարձնում և նվազեցնում նրանց զգացմունքայնությունը: