«Առաջին լրատվական»-ի «Ցավազրկող» հաղորդաշարը ներկայացնում է վնասվածքաբանության, օրթոպեդիայի, պլաստիկ վիրաբուժության ոլորտում կարևոր գործողությունները:
Դիտե՛ք վիրահատությունն ամբողջությամբ միայն «Առաջին լրատվական»-ի շրջանակներում:
Մարդն ապրում է, քանի դեռ շնչում է: Շնչառության խանգարումները կարող են լուրջ վնաս հասցնել մարդու օրգանիզմին: Շնչի պահումների ժամանակ, օրինակ, առաջանում է թթվածնային քաղց, որը կարող է առաջանալ նաև քթի միջնապատի դեֆորմացիաների ժամանակ:
Ներկայացնում ենք քթի միջնապատի վիրահատությունն ամբողջությամբ՝ օգտակար և մանրամասն մեկնաբանությամբ:
Վիրահատությունը կատարում է Վնասվածքաբանության և օրթոպեդիայի գիտական կենտրոնի մասնագետ՝ քիթ-կոկորդ-ականջաբան Կարեն Արթուրի Մուրադյանը:
Ուրոլոգիական խնդիրների լուծման համար օր օրի ստեղծվում ու կիրառություն են գտնում մի շարք նորագույն սարքավորումներ: Այն հնարավորություն է տալիս իրականացնել քարափշրում ցանկացած տեղակայման կոնկրեմենտների դեպքում: Այս եղանակով փշրվում են նաև ռենտգեն նեգատիվ քարերը: Միզաքարային հիվանդությունների բուժման ձևերից հեռահար քարափշրումը կատարվում է նորագույն լիթոտրիպտորով: Քարափշրումը կատարում է «Էրեբունի» բ/կ ուրոլոգ Էդուարդ Վարդանյանը: