Ռուսաստանի և ԱՄՆ նախագահներ Վլադիմիր Պուտինը և Բարաք Օբաման ծրագրում են առաջիկա օրերին քննարկել ուկրաինական թեման, իրավիճակն Իրաքում և Սիրիայում: Այս մասին ճեպազրույցի ժամանակ լրագրողներին հայտնել է ՌԴ նախագահի օգնական Յուրի Ուշակովը՝ տեղեկացնում է Ria Novosti-ն:
«Առաջիկա օրերին նախատեսվում է Պուտինի և Օբամայի հեռախոսազրույցը՝ ուկրաինական թեմայով, կքննարկվեն Իրաքի ու Սիրիայի հարցերը» ,- ասել է Ուշակովը:
«Օբաման և Պուտինը շփվել են Նորմանդիայում միջոցառումների ժամանակ, և նրանք երկու անգամ խոսել են այդ միջոցառումների ժամանակ, պայմանավորվածություն է ձեռք բերվել, որ նրանք կունենան նաև հեռախոսազրույց, և հիմա այդ պայմանավորվածությունը կիրագործվի»,- հավելել է Ուշակովը:
