Trend-ի հաղորդմամբ, Կովկասում ՆԱՏՕ-ի գլխավոր քարտուղարի նորանշանակ հատուկ ներկայացուցիչ Ջեյմս Ապաթուրայը հայտարարել է, որ 2008թ. Բուխարեստում ՆԱՏՕ-ի և անդամ երկրների ղեկավարների որոշումը, թե Վրաստանը կդառնա ՆԱՏՕ-ի անդամ, դրված է օրակարգում:
«Վրաստանը պետք է շարունակի անհրաժեշտ բարեփոխումների իրականացումը, մասնավորապես դեմոկրատիզացիայի ոլորտում` հաջող եվրաինտեգրացիայի համար, և 2011թ. այդ առումով շատ կարևոր տարի է, քանի որ Դաշինքի անդամներն ուշադիր հետևելու են Վրաստանում տեղի ունեցող գործընթացներին»,- ասել Ջ.Ապաթուրայը:
Ինչ վերաբերում է Հարավային Օսեթիային և Աբխազիային, Ապաթուրայի խոսքերով, կոնֆլիկտների խաղաղ լուծումը կարևորագույն հարց է, և Ժնևյան քննարկումների բոլոր մասնակիցներն այդ առումով պետք է կառուցողական դեր խաղան:
Վերջում Ապաթուրայը հայտարարել է, որ Դաշինքի անդամները Վրաստանի ինքնիշխանության և տարածքային ամբողջականության աջակիցներն են` միջազգայնորեն ընդունված սահմանների շրջանակներում: