«Ես չեմ կարծում, որ Ազատության հրապարակը գրավելու խնդիր որևէ մեկը ուներ։ Ազատության հրապարակը պատկանում է մեր ժողովրդին և միշտ ազատ է բոլորի համար։ Ազատության հրապարակը, համենայն դեպս, Ռայխսթագը չէ, որ գրավեն։ Հետևաբար չեմ կարծում, որ որևէ մեկը այստեղ որևէ բան գրավել է։ Պարզապես Ազատության հրապարկը երեկ հանրահավաքի ժամանակ նույնպես օգտագործվել է»,- այս մասին մեզ հետ զրույցում նշեց ԱԺ հանրապետական պատգամավոր Գագիկ Մելիքյանը։
Մեր այն դիտարկմանը, թե Ազատության հրապարակում հանրահավաք արտոնելը իշխանությունները պարտության հետ էին ասոցացնում, հետևաբար կարելի է ասել, որ իշխանությունները պարտվեցին ընդդիմությանը, Գագիկ Մելիքյանը արձագանքեց.
«Ես ընդհանրապես չեմ կարծում, որ ընդդիմությունը հաղթեց, իսկ իշխանությունը պարտվեց։ Ազատության հարապարակը այդ պահին ուղղակի հանրահավաքի կազմակերպիչների կողմից օգտագործվեց։ Նորից եմ կրկնում՝ Ազատության հրապարակը Ռայխսթագը չէ, որ ինչ-որ մեկը գրավեց ծանր մարտական գործողությունների արդյունքում, իսկ մյուս կողմը պարտվեց մեծ կորուստներով»։