«Ես միշտ փորձում եմ հարցին պատասխան գտնել՝ ելնելով երկրի, հայ քաղաքացու, հայ ժողովրդի շահերից: Երբ երկրում մասսայական արտագաղթ է, չի լուծվում սոցիալական որևէ խնդիր, երբ չի լուծվում գիտության, կրթության խնդիր և չի դրվում համակարգային փոփոխության պահանջ՝ ասելիք չկա»,- «Առաջին լրատվական»-ի հետ զրույցում նման տեսակետ հայտնեց «Հայրենիք և պատիվ» կուսակցության նախագահ Գառնիկ Մարգարյանը՝ անդրադառնալով քառյակի 12 կետանոց պահանջներին։
Նրա խոսքով՝ պետք է դրվեր համակարգային փոփոխության խնդիր, մնացած ամեն ինչն աբսուրդ է. «2-3 տարի է՝ այդ չորսը խորհրդարանում են, մի մասը նրանցից կազմում են իշխանության մաս, Կոնգրես կոչվածը 18 կուսակցություննրից անվանում է վերցրել ու միացել նրանց: Այդտեղ ակնհայտ է Ռոբերտ Քոչարյանի ստվերը. ի՞նչ կարող են անել՝ խորհրդարանում նստած են, ունեն պաշտոնատար անձինք, ունեցել են նախարարներ, ինչո՞ւ չեն արել»,-հարցադրում արեց նա:
Նրա գնահատմամբ՝ քառյակը փոշի է փչում ժողովրդի աչքերին. «Վաղը-մյուս օր պետք է ասեն՝ Ծառուկյանը փրկության ճանապարհ է ցույց տալիս»:
Մանրամասները՝ տեսանյութում:
