Նազարբարևի հայտարարությունն անակնկալ չէր: Այս մասին այսօր Հանրային հեռուստաընկերության «Հարցազրույց» ծրագրի ընթացքում ասաց ՀՀ նախագահ Սերժ Սարգսյանը:
«Անակնկալի գալու ի՞նչ խնդիր կա: Տարօրինակ ոչինչ չի հնչել: Մի կողմ դրեք հույզերը, և լսեք, թե ինչ է հնչել: Ոչ թե բովանդակային առումով էի ասում` տհաճ էր, այլ տհաճ էր, որ ՄՄ անդամ պետություններից մեկի նախագահը հղում էր կատարում Ադրբեջանի նախագահի նամակին»:
Նախագահը համամիտ չէ նաև այն տեսակետին, որ Մաքսային միության երկրները չեն ցանկանում, որ Հայաստանը միանա ՄՄ-ին:
Սերժ Սարգսյանի խոսքով` ՀՀ-ն և ԼՂՀ-ն ունեն իրենց հստակ սահմանները, և այստեղ կասկածելու ոչինչ չկա: Նա հայտարարեց նաեւ, որ ՀՀ-ն անդամակցելու է ՄՄ-ին իր իսկ կողմից ճանաչված սահմաններով, ինչպես ՀՀ-ն այս 23 տարվա ընթացքում անդամակցել է մնացած բոլոր միջազգային կառույցներին: «Խնդրում եմ, մի պաշտպանեք Արցախը ինձնից: Սա ոչ միայն վիրավորական է, այլև անհեթեթ է»,- հայտարարեց Սերժ Սարգսյանը:
Նա նշել է, որ ՀՀ-ն չի ճանաչում ԼՂՀ անկախությունը` «որոշակի և շատ հստակ նկատառումներից ելնելով»: