Վաշինգտոնի Ֆիլիպսի հավաքածուում պահվող Պաբլո Պիկասոյի վաղ ստեղծագործություններից մեկի՝ «Կապույտ սենյակ»-ի (1901) տակ անհայտ տղամարդու դիմանկար է գտնվել: Այս մասին հայտնում է Associated Press-ը:
Ինֆրակարմիր ճառագայթների միջոցով հայտնաբերված նկարում հստակ երևում է պիջակով և թիթեռնիկ-փողկապով տղամարդու դիմանկարը: Նա նստած է ձեռքի վրա հենված, ձեռքի մատներին՝ 3 թանկարժեք քարով մատանի:
Փորձագետները կփորձեն պարզել, թե ով է պատկերված նկարում:
Սա առաջին դեպքը չէ, երբ հայտնաբերվում է, որ Պիկասոյի նկարները կրկնակի շերտ ունեն: Այսպես, Նյու Յորքի Հուգենհեյմի թանգարանում պահվող նրա «Արդուկող կինը» նկարի տակ հայտնաբերվել էր բեղերով տղամարդու դիմանկար: