«Շինարարությունն իմ կողմից դադարեցված է, ընկերությունը մինչ ապամոնտաժումը պարտավոր էր մեզ գրություն ուղարկել, թե որ օրն է սկսում ապամոնտաժել և որտեղ է տեղափոխում: Մենք այդ գրությունը չունենք»,- Աֆրիկյանների տան մոտ տեղի ունեցած բողոքի ակցիայի ժամանակ ասաց ՀՀ մշակույթի նախարարության Պատմության ու մշակույթի հուշարձանների պահպանության Երևանի տարածքային բաժնի պետ Կարո Այվազյանը:
«Ես հասկանում եմ Ձեր և Երևանի քաղաքացիների վրդովմունքը, բայց արդեն 7 տարի է անցել, ինչ «Հին Երևան» ծրագիրը տեղից չի շարժվում: Չնայած տեսել եմ մշակված նախագիծը, բայց մեզ պաշտոնապես չեն ներկայացրել, և ես հասկանում եմ այն հիասթափությունը, որ սա հերթական ապամոնտաժումն ու պահեստավորումն է: Շատերը չեն հավատում, որ ծրագիրը կիրականցվի: Ամեն դեպքում, պաշտոնապես ասեմ՝ կիրականցվի, իսկ մշակույթի նախարարությունը դեռ Երվանդ Զախարյանի քաղաքապետ եղած ժամանակ խնդրել է, որ այդ գործընթացն իրականացնեն»: