Wednesday, 05 10 2022
Ջերմուկի հյուրանոցները վերսկսում են աշխատանքը
14:40
Զելենսկին լուսանկարներ է հրապարակել ազատագրված Լիմանից
14:20
Իրանում երկրաշարժի հետևանքով ավելի քան 500 մարդ Է տուժել
14:10
Պուտինը Ռուսաստանի կազմում նոր տարածքներ ընդգրկելու մասին օրենքներ է ստորագրել
«Մենք որոշակի լավատեսություն ունենք՝ կապված խաղաղության գործընթացի հետ». Ալիև
ՀՀ նախագահն ու ԱԷՄԳ գլխավոր տնօրենն անդրադարձել են Հայաստանում նոր ատոմային էներգաբլոկի կառուցման նախագծային աշխատանքներին
Արցախը հիմա կարևորագույն գաղափար պետք է դառնա հայության համար. Դավիթ Բաբայանն ամփոփել է ԱՄՆ այցի արդյունքները
13:30
Ճապոնիայի հետ հարաբերությունների շուրջ համաձայնագրի քննարկում հնարավոր չԷ. Ռուսաստանի ԱԳՆ
FLYONE ARMENIA ավիաընկերությունը թռիչքներ կիրականացնի Երևան-Եկատերինբուրգ- Երևան երթուղով
13:11
Օրվա միտքը. Ադրբեջանին քաղաքական զիջումներ չեն արվելու
Ալեն Սիմոնյանը Ուսուցչի տոնի առթիվ շնորհավորական ուղերձ է հղել
13:08
Live. «Առաջին լրատվական» տեղեկատվական-վերլուծական կենտրոն
13:07
ԱՄՆ-ի Ronald Reagan ավիակիրը կվերադառնա Ճապոնական ծով ԿԺԴՀ-ի հրթիռի արձակումից հետո
Ամեն անգամ, երբ ՌԴ-ն հյուծվում է հեռանում է. ի՞նչ անենք, մոխիր լցնե՞նք գլխներիս
Հոսպիտալներում այլևս չկա վիրավոր, որի առողջական վիճակը գնահատվի ծայրահեղ ծանր. ՊՆ
Կառավարությունը գնում է կոմպրոմիսի․ ցեմենտի գները կնվազեն
Հայաստանին անհրաժեշտ է ոչ թե մոդերատոր, այլ ամուր երաշխավոր. Էդմոն Մարուքյան
Լուրերի օրվա թողարկում 12:30
12:29
Եվրամիության գերագույն ներկայացուցիչը Ադրբեջանին մեղադրել է Հայաստանի տարածքն օկուպացնելու մեջ
Փաշինյանն անում է ամեն ինչ… բայց Մոսկվան ոչ միշտ է բարյացկամ Հայաստանի հանդեպ
12:17
Պուտինը ՌԴ-ի կազմ մտած նոր միավորումների ղեկավարներ է նշանակել
Օրվա միտքը. ՀՀ տարածքում տեղի ունեցածը բացահայտեց արբիտրի դեր խաղալու՝ ՌԴ անկարողությունը
12:10
Նավթի գներն աճել են – 04-10-22
Թեհրանն ու Արցախը գրոհած կոալիցիան
11:50
Ուկրաինական զորքերը Խերսոնի մարզի 50 բնակավայր է ազատագրել
Հեղուկ գազի գինը – Հոկտեմբեր 5, 2022
ՀՀ ԿԳՄՍ նախարարը շնորհավորել է Ուսուցչի տոնի առթիվ
ԱԺ-ն հավանություն տվեց գործող օրենքների մի շարք փոփոխություններին
11:30
Ամերիկացի երգչուհի Լորետա Լինը վախճանվել Է 90 տարեկան հասակում
Ո՛չ Վահագն Հովակիմյանը, ո՛չ Ավինյանը իրենց «մուրազին» չեն հասնելու

Հայաստանն ու ՄՄ երկրները գնում են նույն՝ եվրոպական դիրեկտիվների ճանապարհով

Երեկ Երևանում Մաքսային միության (ՄՄ) տեխնիկական կանոնակարգերի վերաբերյալ համաժողով տեղի ունեցավ, որտեղ կարմիր թելի պես անցնում էր այն միտքը, որ ՄՄ-ի և Եվրասիական տնտեսական միության (ԵՏՄ) հիմքում ընկած են եվրոպական կարգավորումներն ու չափանիշները:

«ՄՄ տեխնիկական կանոնակարգերի համակարգը կառուցվում է եվրոպական համակարգին համապատասխան, և ՄՄ կարգավորումների հիմքում ընկած են եվրոպական դիրեկտիվները: Ուստի ՄՄ անդամ երկրներն ու Հայաստանը գնում են նույն ճանապարհով»,- «Առաջին լրատվական»-ի հետ զրույցում բառացիորեն ասաց Արդյունաբերողների և գործարարների Ռուսաստանի միության կոմիտեի փոխնախագահ Ա. Ն. Լոցմանովը:

Հետևաբար, նրա խոսքերով, Հայաստանը կարիք չունի փոխելու իր այն տեխնիկական կանոնակարգերն ու ստանդարտները, որոնցով ավելի մոտ է եվրոպական չափանիշներին, քան թե ՄՄ անդամ երկրներն են: Հակառակը, ՄՄ երկրները կվերցնեն Հայաստանի փորձն ու մոտեցումները՝ փոխելու համար միության օրենսդրությունը՝ եվրոպականին առավել մոտ (Հայաստանի նման) դարձնելու նպատակով: «Այնտեղ, որտեղ Հայաստանն առաջ է անցել եվրոպական չափանիշներին համապատասխան լինելու առումով, մենք փոփոխություններ կանենք ՄՄ կանոնակարգերում: Իսկ որտեղ ՄՄ երկրներն են առաջ անցել օրենսդրության համապատասխանեցման առումով, այդտեղ մենք կաշխատենք Հայաստանի հետ: Ամենակարևորը, որ Հայաստանի մուտքը ՄՄ հնարավորություն է տալիս որպես հավասար գործընկերներ համատեղ աշխատել նոր կարգավորումների ու ստանդարտների ուղղությամբ՝ համապատասխանեցնելու համար դրանք եվրոպական ու միջազգային չափանիշներին»,- ասաց Լոցմանովը:

Երեկ զեկույցով հանդես եկող գրեթե բոլոր ռուսաստանցի ներկայացուցիչները այս կամ այն կերպ շեշտում էին, որ ԵՏՄ տեխնիկական կանոնակարգերն ու ստանդարտները մշակվում են եվրոպական չափանիշների հիման վրա: Այնուամենայնիվ, դժվար է պատկերացնել, որ առավել բարձր մակարդակներում որոշումներ կայացնելիս նման «մանրուքները» հաշվի առնվեն: Հատկապես որ Հայաստանի պաշտոնյաները, Սերժ Սարգսյանի նման, անգամ ցանկություն չունեն բարձրաձայնելու Հայաստանի շահերը ԵՏՄ հարթակում և անհապաղ, առանց անգամ ՄՄ պաշտոնյաների հետ քննարկման, ընդունում են այն, ինչ կես բերան առաջարկվում է:

Իսկ որ տարբերություններ ու դժվարություններ մեր ու ՄՄ անդամ պետությունների կարգավորումներում կան, ակնհայտ է: Մենք փորձեցինք հասկանալ, թե այս պահին կոնկրետ որ կանոնակարգերի շուրջ է, որ հայկական կողմը բանակցում է ՄՄ պաշտոնյաների հետ, և որ հարցերն են, որ արդեն համաձայնեցվել են, սակայն համաժողովի ոչ հայկական, ոչ էլ ռուսական կողմի ներկայացուցիչները այս հարցին որևէ պատասխան չտվեցին: Խնդիրն այն է, որ տարբերություններն իսկապես սկզբունքային են ու նշանակալի` ընդհուպ մինչև ՀՀ Սահմանադրության հետ անհամապատասխանություն: Համառոտ թվարկենք դրանք:

1. Որ ՄՄ տեխնիկական կանոնակարգերը այս պահին դեռ հակասության մեջ են մեր Սահմանադրության 6-րդ հոդվածի հետ` խոստովանել է նաև Հայաստանի իշխանությունը: «ՄՄ տեխնիկական կանոնակարգերը հաստատելու որոշումները պարտադիր են կողմերի (ՄՄ անդամ պետությունների) համար, սակայն դրանք չեն կարող ուղղակիորեն կիրառվել ՀՀ տարածքում, քանի որ կարող են անհամապատասխանության մեջ մտնել ՀՀ Սահմանադրության 6-րդ հոդվածի հետ, որով սահմանվում է, որ ՀՀ միջազգային պայմանագրերը ՀՀ օրենսդրության բաղկացուցիչ մասն են և անմիջականորեն կիրառվում են ՀՀ տարածքում: Մինչդեռ միջազգային կազմակերպության մարմնի որոշմամբ (տվյալ դեպքում` ՄՄ հանձնաժողովի) ընդունված տեխնիկական կանոնակարգերը միջազգային պայմանագրեր չեն և հետևաբար` չեն կարող ուղղակիորեն կիրառվել ՀՀ տարածքում»,- ասված է ՀՀԿ տնտեսական վերջին համաժողովի կազմակերպիչների տարածած նյութերում:

2. Ներկայումս ՀՀ-ում գործող ապրանքի գնահատման մոդելը ավելի լիբերալ է և չի ենթադրում արտադրանքի պետական գրանցում ու ստանդարտի պահանջներին համապատասխան պարտադիր հավաստում: Պարզ չէ, թե ինչպես է լուծվելու այս հարցը

3. Մաքսային գործի հետ կապված անձանց (բրոքեր, փոխադրող, լիազորված օպերատոր և այլն) կարգավիճակի հարցը ևս անորոշ է: Այդ մարդկանց համար ՄՄ երկրներում սահմանված են բավականին խիստ նախապայմաններ, որոնք ՀՀ մաքսային օրենսդրության մեջ կիրառելու դեպքում կարող են լուրջ բացասական հետևանքներ ունենալ: Մասնավորապես` նման փոփոխությունների արդյունքում կտրուկ կկրճատվի տնտեսվարողների թիվը, ինչի հետևանքով կնվազի նաև առողջ մրցակցությունն ու հավանաբար կբարձրանան նրանց կողմից մատուցվող ծառայությունների գները:

4. ՄՄ «Ծառայությունների, առևտրի և ներդրումների մասին» համաձայնագրի համաձայն` մինչև 2020 թվականը Մաքսային միության անդամ պետությունների կողմից պետք է իրականացվի ֆինանսական ոլորտի օրենսդրության ներդաշնակեցում: Մասնավորապես՝ 2020 թվականի հունվարի 1-ից կողմերը պետք է ձգտեն լիցենզիաների փոխադարձ ճանաչմանը, ինչը նշանակում է անդամ երկրներից մեկի տված ֆինանսական ծառայությունների լիցենզիայի հիման վրա ֆինանսական ծառայության մատուցում մեկ այլ անդամ երկրում՝ առանց լրացուցիչ լիցենզիայի: «Այժմ անդամ պետություններում առկա են որոշակի պահանջների տարբերություններ, որոնց մի մասն ունի օբյեկտիվ բնույթ՝ կապված շուկաների չափերի, մատուցվող ծառայությունների բարդության և գործիքների ռիսկայնության հետ: Մինչև 2020 թվականը անդամ պետությունների ֆինանսական համակարգերի կարգավորման դաշտի ներդաշնակեցումը և դրանից հետո լիցենզիաների փոխադարձ ճանաչումը կարող են առաջացնել բարդություններ՝ կապված վերոնշյալ գործոնների հետ»,- ասվում է մեր կառավարության կազմած փաստաթղթերից մեկում:

Այսպիսով, թեև տեխնիկական կանոնակարգերով ու ստանդարտներով զբաղվող Ռուսաստանի պաշտոնյաներն ընդունում են այն սկզբունքը, որ Հայաստանը կարիք չունի փոխել իր այն կարգավորումները, որոնք առավել մոտ են եվրոպական չափանիշներին, սակայն մինչ այժմ չկա հստակեցում, թե ինչպես է լուծվելու Հայաստանի գործող մի շարք նշանակալի նորմատիվներ ՄՄ տեխնիկական կանոնակարգերին ու ստանդարտներին համապատասխանեցնելու հարցը:

 

Լուսանկարը` PAN Photo-ի

Բաժիններ
Ուղիղ
Լրահոս
Որոնում