Երևանի պետական տնտեսագիտական համալսարանի քննական կենտրոնում «մաթեմատիկա» առարկայի միասնական քննությանը 184 դիմորդից բացակա էին 17-ը: «Առաջին լրատվական»-ի հետ զրույցում ԵՊՏՀ-ում գտնվող քննական կենտրոնի ղեկավար Հասմիկ Ավետիսյանը տեղեկացրեց, որ «բացակա դիմորդները հնարավորություն կունենան համպատասխան տեղեկանքի դեպքում մասնակցել քննություննրի 2-րդ փուլին» և հավելեց, որ այսօր մինչև քննության մեկնարկը հանձնաժողվին է մոտեցել մի կին, որը խնդրել է արձանագրել, որ երեխան իրեն վատ է զգում: «Բժշկի թուղթը կբերեն, կկցենք, և այս դիմորդը կկարողանա քննությունը հանձնել»:
Քննական կենտրոնում՝ մոնիտորների առջև, քննության ընթացքին լարված հետևում են նաև դիմորդների ծնողները: Նրանցից շատերն ընդգծում են, որ իրենց երեխաների համար քննությունները սթրես են: Ծնողներից մեկն անգամ նշեց, որ «Օտար լեզու» առարկայի միասնական քննության ժամանակ քննասենյակում մթնոլորտը լարված է եղել, երեխան շփոթվել է և ցածր միավոր է ստացել: Իսկ նախորդ քննություններից բարձր միավորներ ստացած դիմորդների ծնողները ակնկալում են, որ «Մաթեմատիկայի» արդյունքները ևս բարձր կլինեն, չնայած «վախենում են» «պնդումների փունջ» առաջադրանքից:
Առավել մանրամասն՝ տեսանյութում:
