Իշխող Հանրապետական խմբակցության պատգամավոր Լևոն Մարտիրոսյանից այսօր «Առաջին լրատվականը» հետաքրքրվեց, թե կա՞ արդյոք քառյակի 12 կետերին մեջ այնպիսին, որին կարելի է ընդառաջել, գուցե 100 տոկոս համամասնական ընտրակարգին անցնելո՞ւ հետ կապված․ «100 տոկոս համասնականի մասին ես առիթ ունեցել եմ ելույթ ունենալ, քննարկման հարց է, ճաշակի հարց է և ոչ քաղաքական»,- ասաց նա՝ հավելելով, որ եթե ընդդիմադիրները կարծում են, որ ընտրությունները լավ չեն անցնում, ապա դա մեծամասնական- համամասնականի խնդիր չէ:
Հարցին՝ իշխանությունը տագնապ ունի՞ աշնանը կայանալիք հանրահավաքներից, Մարտիրոսյան պատասխանեց․ «Բացարձակապես չկա և չի էլ եղել, եթե իմ դեմքին սպառնալիքի վտանգ եք տեսնում, ապա ոչ: Լավ է, որ ոչ իշխանական ուժերը միավորվել են և քաղաքակիրթ տարբերակով են խնդիրները ներկայացնում»:
Մանրամասները՝ մեր տեսանյութում։