ԵՊՀ քննական կենտրոնում «Մաթեմատիկա» առարկայի միասնական քննությանը պետք է մասնակցեր 235 դիմորդ, սակայն 8 դիմորդ բացակայում է:
«Առաջին լրատվական»-ի հետ զրույցում դիմորդները ընդգծեցին, որ իրենց համար «մաթեմատիկայի» շտեմարանները ավելի հեշտ էին, քան մյուս առարկաների: Պատճառը ոչ այնքան առաջադրանքներն են, որքան այն, որ ի տարբերություն մնացած առարկաների շտեմարանների՝ «մաթեմատիկայի» շտեմարանները քննությունից մի քանի ամիս առաջ չեն փոխվել:
Դիմորդները, ինչպես մյուս միասնական քննությունների ընթացքում, այսօր ևս դժգոհում էին «պնդումների» փունջ առաջադրանքից: Ճիշտ պատասխանի համար դիմորդը ստանում է նախատեսված միավորը, սխալի դեպքում կորցնում ոչ միայն այդ միավորը, այլև նույն առաջադրանքի այլ հարցի ճիշտ գրված միավորը ՝ -1 սկզբունքով, պատասխանը գնահատվում է 0: Ստացվում է, որ աշակերտի իմացած ու չիմացած հարցերի հանրագումարը կարող է լինել 0:
Դիմորդների կարծիքով՝ այս առաջադրանքն իրենց ավելորդ լարվածության է հասցնում և շփոթեցնում:
Ծնողները ԵՊՀ քննական կենտրոնում հնարավորություն ունեին մասնակցելու թեստերի բացման գործընթացին, որից հետո քննական լսարաններից նրանք դուրս եկան: Ծնողների դուրս գալուց հետո դիմորդները սկսեցին լրացնել քննական թեստերը:
Առավել մանրամասն՝ տեսանյութում: