Ուկրաինայի ներսում տեղահանված անձանց թիվը հասել է 20 հազարի: Այդ մասին լրագրողներին հաղորդել է ՄԱԿ-ի հումանիտար հարցերի կարգավորման մամլո խոսնակ Յենս Լաերքեն, հաղորդում է ITAR-TASS-ը: «Ներկա դրությամբ՝ նրանց թիվը 19 հազար է»,- ասել է նա:
Ավելի վաղ ՄԱԿ-ի գլխավոր քարտուղարի հումանիտար հարցերով տեղակալ Վալերի Ամոսը հարկադիր տեղահանվածների թիվը 17,5 հազ. էր հայտարարել: Հրապարակվող թվերի տարբերությունը Լաերքեն բացատրել է իրավիճակի արագ փոփոխությամբ: Միևնույն ժամանակ, իրական տեղափոխվողների թիվը կարող է հասնել մինչև 34 հազարի:
Ինչպես հաղորդել է Ամոսը՝ մարդկանց տեղաշարժը հատկապես նկատվում է Դոնեցկի և Լուգանսկի շրջաններում: Սակայն տեղի իշխանությունների կողմից ներկայացված տվյալները դեռ պաշտոնապես չեն ընդգրկվել ՄԱԿ-ի վիճակագրության մեջ:
