Այսօր քննական կենտրոններում դիմորդները բողոքարկում են «Ֆիզիկա» առարկայի միասնական քննությունների արդյունքները: Գնահատականները քննական կենտրոններում փակցվել էին երեկ:
Քննությանը մասնակցել էր շուրջ 2050 դիմորդ, 20 տոկոսը անբավարար էր ստացել: «Ֆիզիկայի» քննությունների միջին միավորը 11.7-ն է, իսկ առավելագույն միավոր է ստացել 45 դիմորդ:
Բողոքարկումների թիվը մեծ չէ՝ յուրաքանչյուր քննական կենտրոնում՝ 2-3 դիմում: Քննական կենտրոն բողոքարկելու են գալիս հիմնականում այն դիմորդները, որոնք 7.25 միավոր են ստացել և փորձում են վերահաշվարկի միջոցով գոնե 25 միավոր ավելացնել, սակայն դիմորդները չեն կարողանում հստակ բացատրել, թե բողոքարկումը որ առաջադրանքի վերաբերյալ է:
Օրինակ ՝ բողոքարկող դիմորդներից Սարգսյան Վանիկը և նրա հարազատները նշում են, որ առաջադրանքները ճիշտ է լրացրել, բայց իրեն վատ է զգացել և վերջում մի շարք առաջադրանքների պատասխանը չի հասցրել գրել: Դիմորդը ստացել է 7.25 միավոր, իսկ անցողիկ միավորն է 7.5:
