Այսօր լրագրողների հետ հանդիպման ժամանակ ՀՀ նախկին արտգործնախարար Ալեքսանդր Արզումանյանը և ՀՀԿ-ական պատգամավոր Արտակ Դավթյանը անդրադարձան ՀԱԿ-ի երեկվա հանրահավաքին և երկու քաղբանտարկյալների ազատ արձակմանը:
Ալեքսանդր Արզումանյանի գնահատմամբ, քաղբանտարկյալների ազատ արձակումը պատահական չէր, և վերջին գործընթացները վկայում էին այն մասին, որ Հարություն Ուռուտյանը ազատ է արձակվելու:
«Քաղբանտարկյալների ազատ արձակումը միշտ եղել է այն ժամանակ, երբ Հայաստան են եկել եվրաչինովնիկները: Առնվազն տարօրինակ կլիներ,որ Պրեսկոտը ձեռնունայն գնար Հայաստանից»,- ասաց Արզումանյանը և հավելեց, որ հույս ունի, թե իշխանությունները այնքան խոհեմ կգտնվեն, որ մինչև ՀԱԿ հաջորդ հանրահավաքը`ապրիլի 8-ը, ազատ կարձակվեն նաև մյուս քաղբանտարկյալները:
ՀՀԿ-ական պատգամավոր Արտակ Դավթյանը չպատասխանեց՝ ասելով միայն. «No comennt»:
