«Առաջին լրատվական»-ի զրուցակիցն է ԵՊՀ ռեկտոր, պատմական գիտությունների դոկտոր Արամ Սիմոնյանը
-Պարոն Սիմոնյան, Անաստաս Միկոյանի արձանը տեղադրելու շուրջ քննադատությունները շարունակվում են: Որպես պատմաբան՝ ի՞նչ կարծիքի եք:
-Ես կարող եմ միայն իմ կարծիքն ասել: Կարծում եմ, որ այն ժամանակավրեպ է, պետք չէ այդ արձանը կանգնեցնել: Կարծում եմ, որ Միկոյանը՝որպես միութենական մասշտաբի գործիչ,շատ բան է արել Խորհրդային Միության համար, բայց որպես ազգային գործիչ իր կյանքի վերջում զղջման որոշակի ժամանակահատված է անցել: Կարիք չկա փորփրել անցյալը, և պետք է այդպես թողնելայն ամենը, ինչ կա: Ընդհանրապես,ես դեմ եմ արձաններ կործանելուն, հանելուն և արձաններ վերականգնելուն: Ամեն ինչ պետք է լինի շատ բնական: Իսկ Միկոյանի դերակատարությունը և՛ 30-ականներին, և ՛ դրանից առաջ Ղարաբաղի հարցում համարում եմ,մեղմ ասած,ոչ ազգանվեր:
Իհարկե,շատերն ասում են՝դե,թող փորձեր Ստալինին հակաճառեր, երբ 37-ին Ստալինը նրան ուղարկեց Հայաստան հետևյալ նախադասությամբ՝ «У вас в Ереване дашнаки свободно гуляют по улице, идите и разберитесь»: Սա Եժովին ուղղված նշանավոր նամակն է: Այս ամենը հենց այնպես չի կարող անցնել: Ինչ վերաբերում է նրա զղջմանը, վկաներից միայն մեկն է այսօր կենդանի, և հենց նա էլ պատմել է: Երբ նա 50-ականների վերջին այցով եկել է Զանգեզուր, Խնձորեսկ գնալուց հետ իջելՏեղ գյուղ,Տեղ գյուղի բարձունքից նայելով դեպի այն ժամանակվա Լաչինչին Քշաթողին, վկային ասել է.«Азербайджанские большевики были умнее нас, они добились того, чего хотели. А мы были неумные, глупые и наивные»: Ասել է, ապա շուռ եկել, նստել մեքենա:
Սրանով արդեն ամեն ինչ ասվում է: Վերջին տարիներին,ասում են,-ես լավ չեմ ուսումնասիրել, բայց լսել եմ,-որ զղջման որոշակի արտահայտություններ է արել: Եվ կարծում եմ՝պետք է ամեն ինչ թողնել այնպես, ինչպես կա: Մեր հասարակությունը շատ ուրիշ խնդիրներ ունի, և այսպես մեր հասարակությանը բաժան-բաժան անել մեկ արձանի շուրջ ոչ միայն կոռեկտ չէ, ցանկալի չէ, այլևհարիր չէ մեր ժողովրդին:
Մենք այնքան մեծ և բարդ խնդիրներ ունենք լուծելու, որ պետք է այդ բարդ խնդիրներին լծվել: Եվ մեզ համար ամենակարևոր խնդիրն այսօր օդիու ջրի պես անհրաժեշտ միասնությունն է: Յուրաքանչյուր հարց, հանգամանք, խնդիր, որը կարող է սասանել այդ միասանությանը և մեր կայունությանը վնաս տալ,երևի թե մի կողմ պետք է դնել…
Հարցազրույցն ամբողջությամբ՝տեսանյութում: