Նոյեմբերի 1-ին՝ ժամը 01.20-ին, հիվանդանոցից ոստիկանության Աշտարակի բաժնում հաղորդում է ստացվել, որ որովայնի ծակած վնասվածքով իրենց մոտ է տեղափոխվել 42-ամյա Արարատ Գ.-ն: Ըստ բժշկի տեղեկանքի` Արարատ Գ.-ն ի վիճակի չի եղել հաղորդում տալու: Ձեռնարկված օպերատիվ-հետախուզական եւ քննչական միջոցառումների շնորհիվ նշված հանցագործությունը կատարելու համար բերման է ենթարկվել ՌԴ քաղաքացի, 48-ամյա Վազգեն Ք.-ն, որը խոստովանել է, որ նոյեմբերի 1-ին՝ ժամը 01.00-ի սահմաններում, վիճաբանության ժամանակ դանակով հարվածել եւ վնասվածք է պատճառել Արարատ Գ.-ին: Ձեռնարկված միջոցառումների շնորհիվ Վազգեն Ք.-ի կինը` 35-ամյա Արուսիկ Ա.-ն, ներկայացրել է հանցագործության գործիք հանդիսացող դանակը: Վազգեն Ք.-ն ձերբակալված է: Կատարվում է նախաքննություն:
