Ռուսական РБК daily-ն այսօր գրել է, որ Ռուսաստանը չի ընդառաջի Թուրքիային և չի իջեցնի գազի գինը, եթե վերջինս չփոխի իր դիրքորոշումը «Հարավային հոսքի» հանդեպ: Իր երկրի համար նպաստավոր պայմաններ ստանալու համար Ռուսաստանում է Թուրքիայի վարչապետ Ռեջեփ Թայիփ Էրդողանը:
Թերթը հաղորդում է, որ ի սկզբանե բանակցությունները դրական ընթացք չէր նախատեսում, սակայն անսպասելիորեն անհրաժեշտություն առաջացավ հանդիպում կազմակերպելու «նեղ կազմով», ինչ տևել է ավելի քան երկու ժամ: Իսկ այդ բանակցություններից հետո նրանց դեմքերի արտահայտությունը վկայում էր, որ բանակցությունները եղել են բավականին լարված:
Փոխվարչապետ Սեչինին, որը համակարգում է էներգետիկ ոլորտը, անմիջապես մոտեցել են «Ռոսնեֆտի» և «Գազպրոմի» բարձրաստիճան պաշտոնյաները, որոնք չէին մասնակցել «նեղ կազմով» բանակցություններին, և սկսել են աշխույժ ինչ որ բան քննարկել: Նրանք այնքան են տարվել այդ խոսակցությամբ, որ նույնիսկ չեն նկատել, թե ինչպես են դահլիճ մտել Թուրքիայի վարչապետն ու Ռուսաստանի նախագահը:
Իրավիճակն ավելի հասկանլի դարձավ, երբ թուրք լրագրողը Ռուսաստանի նախագահից հետաքրքրվեց Թուրքիային տրամադրվող գազի զեղչերի մասին. «Ռուսաստանն ի սկզբանե պատրաստ է Թուրքիա առաքվող գազի գների ճշգրտմանը, սակայն այդ զիջումները պետք է լինեն երկուստեք», սրանով ՌԴ նախագահը հասկացրել է, որ թուրքական կողմի հետ այս հարցում կան խնդիրներ:
«Մենք մեր թուրք գործընկերներին, որ պատրաստ ենք դիտարկել տարբեր մոտեցումներ, արձագանքել որոշ առաջարկներին` հաշվի առնելով շուկայական կոնյուկտուրան, սակայն այդ գործընթացը պետք է լինի փոխադարձ», ասել է Մեդվեդևը:
Սեչինն ավելի անկեղծ էր. «Միակողմանի գինն իջեցնելը դա նշանակում է «խալյավա»», հեգնել է Սեչինը: Նա նշել է, որ թուրքական կողմից չկա ցանկություն զիջումների գնալու: Չկա առաջընթաց նաև «Հարավային հոսքի» կառուցման շուրջ:
Սեչինը նշել է, որ Սև ծովի հատակով Թուրքիայի տնտեսական գոտով անցնելու հարցը քննարկվել է Կրեմլում, սակայն այն չի լուծվել:
«Մի կողմից թուրք գործընկերներն ասում են, որ մենք չենք ներկայացրել տնտեսական հիմնավորումներ, սակայն հետազոտական աշխատանքների թույլտվություն թուրքական կողմը տվել է ընդամենը 2011թ. մայիսի 31-ից»,- ասել է Սեչինը: