«Լևոն Տեր-Պետրոսյանը քննադատության է ենթարկել կառավարությանը, և ես անձամբ համամիտ եմ այդ քննադատությունների հետ, բայց նրա ելույթում որևէ նոր բան չկար: Նրանք գիտեին, որ նոր վարչապետը լինելու է իշխանությունից, և շարունակում էին պահանջել Տիգրան Սարգսյանի հրաժարականը»,- «Առաջին լրատվական»-ի հետ զրույցում նման տեսակետ հայտնեց ՀՀՇ վարչության գործադիր քարտուղար Կարեն Կարապետյանը:
Նա ավելացրեց, որ երբ քննադատության ես ենթարկում, պետք է նաև լուծման տարբերակներ առաջարկես․ «Ցույց տաս, թե այս ճանապարհի այլընտրանքը որն է: Իմ գնահատմամբ՝ այդ քննադատության մեջ որևէ ճանապարհ չկար, կար զուտ քննադատություն: Եթե Հովիկ Աբրահամյանի թեմայից անցում կատարենք Մաքսային միության և Եվրասիական տնտեսական միության թեմային, ապա ակնհայտ է, որ այնտեղ քննադատությունը վերաբերում էր ոչ թե գաղափարին, այլ մասնակցության ձևին»,- ընդգծեց Կարապետյանը:
Մեր զրուցակիցն անդրադարձավ նաև Լևոն Տեր-Պետրոսյանի վերջին հոդվածի այն մտքին, թե Սերժ Սարգսյանի նախաձեռնած սահմանադրական բարեփոխումների հայեցակարգը ճղճիմ մեսիջ է՝ ուղղված Գագիկ Ծառուկյանին․ «Երբեմն ինձ մոտ տպավորություն է ստեղծվում, թե վախ կա Գագիկ Ծառուկյանին կորցնելու: Իմ խորին համոզմամբ՝ Գագիկ Ծառուկյանը երբեք չի դադարել այս իշխանության մասը կազմել: Գագիկ Ծառուկյանի պատճառով ընդդիմություն բառը դադարեց գործածվել և ի հայտ եկավ ոչ իշխանական ուժը»:
Հարցազրույցի մանրամասները՝ տեսանյութում: