Այսօր Ռուսաստանի Դաշնության կառավարության նախագահությունը կքննարկի Հայաստանում ռուսական ռազմաբազաների տեղակայնման 25-ից 49 տարի երկարացման մասին արձանագրությունը ՌԴ նախագահի վավերացմանը ներկայացնելու հարցը: Այս մասին հաղորդում է RIA-Novosti գործակալությունը` հղում կատարելով կառավարության կայքին:
«Արձանագրությամբ նախատեսվում է, որ ռուսական ռազմական բազան Հայաստանի տարածքում տեղակայված լինելու ժամանակահատավածում, բացի Ռուսաստանի շահերը պաշտպանելուց, Հայաստանի զինված ուժերի հետ մեկտեղ պետք է ապահովի նաև այդ երկրի անվտանգությունը»,- ասված է հայտարարության մեջ:
Այս փաստաթղթով նախատեսվում է ռազմաբազայի աշխարհագրական և ռազմավարական պատասխանատվության ոլորտի մեծացում: Հաղորդագրության մեջ նշվում է, որ ըստ այդ փաստաթղթի` ռուսական կողմը պարտավորվել է հայկական կողմին ապահովել ժամանակից զենքով, հատուկ ռազմական տեխնիկայով:
Հիշեցնենք, որ 2010թ. օգոստոսի 10-ին Դմիտրի Մեդվեդևը և Սերժ Սարգսյանը Երևանում ստորագրել են արձանագրություն, որով ռուսական 102-րդ բազայի տեղակայման ժամկետը 25-ից երկարացվել է 49 տարի ժամկետով:
