2009թ-ի դեկտեմբերի 1-ի դրությամբ աղքատության ընտանեկան նպաստը եւ միանվագ օգնություն ստացող ընտանիքների թվաքանակը կազմել է 123293, որի 88.0 տոկոսը բաժին է ընկել աղքատության ընտանեկան նպաստ ստացող ընտանիքներին: Իսկ աղքատության ընտանեկան նպաստ եւ միանվագ դրամական օգնություն համար պետական բյուջեով նախատեսված գումարը 32324.0 միլիոն դրամ է կազմել: Աղքատության ընտանեկան նպաստ եւ միանվագ դրամական օգնություն ստացող ընտանիքների ընդհանուր քանակը 2004թ կազմել է` 171002, 2009թ`123293, որոնցից աղքատության ընտանեկան նպաստ ստացողները 2004թ` 120248, 2009թ` 108460, միանվագ դրամական օգնություն ստացող 2004թ` 50754, 2009թ` 14833: Իսկ մեկ ընտանիքի ամսական նպաստի միջին չափսը 2004թ կազմել է 7829 դրամ, 2009թ` 23560 դրամ: Առաջին հայացքից տպավորություն կստեղծվի, թե այս տարիների ընթացքում նպաստի դրամական չափերը կտրուկ ավելացել են:Այն էլ՝ ֆինանսատնտեսական ճգնաժամի պայմաններում: Այնինչ սա ընդամենը մակերեսային քարոզչություն է, քանի որ այդ նպաստների չափերը բարձրացել են ոչ թե պետության բարի կամքի շնորհիվ, այլ նպաստառուների կրճատման եւ սպառողական զամբյուղի թանկացման հաշվին:
