Ֆլորան Մալուդան չի կարողանա օգնել «Չելսի»-ին. ֆրանսիական կիսապաշտպանի բացակայությունը կապված է սրունք-թաթային հատվածի վնասվածքի հետ, որը ֆուտբոլիստը ստացել է Անգլիայի առաջնության վերջին տուրում` «Բլեքբերն»-ի հետ խաղում: Այսպիսով, Չեմպիոնների լիգայի խմբային փուլի «Սպարտակ»-ի հետ կայանալիք առաջիկա հանդիպմանը նա ստիպված է լինելու խաղին հետեւել մարզասերի կարգավիճակով` Ֆրենկ Լեմպարդի, Ժոզե Բոսինգվայի եւ Յոսսի Բենայունի ընկերակցությամբ, որոնք եւս տարբեր վնասվածքների պատճառով բացակայելու են: Ինչ վերաբերվում է Լեմպարդին, ապա նա վնասվածքի պատճառով արդեն բաց է թողել 11 հանդիպում, սակայն մոտակա ժամանակները պատրաստվում է վերադառնալ թիմի կազմ: Ենթադրվում է, որ ֆուտբոլիստը խաղադաշտ կվերադառնա արդեն մոտակա կիրակի օրը` «Լիվերպուլի» հետ մրցավեճում: Իսկ ահա բրազիլացի կիսապաշտպան Ռամիրեսը պատրաստ է «Սպարտակ»-ի հետ հանդիպմանը խաղադաշտ դուրս գալուն: