Ամերիկացի երգչուհի Թեյլոր Սվիֆթը և դեռահասների սիրելի Ջասթին Բիբերը դարձել են MTV Europe Music Awards մրցանակաբաշխության դափնեկիրներ մի քանի անվանակարգերում,- հաղորդում է մրցանակաբաշխության կայքը: Մրցանակները հանձնվել են կիրակի Մայնի Ֆրանկֆուրտում:
Մրցանակաբաշխության հաղթողներին որոշում է հեռուստադիտողը քվեարկության միջոցով:
Սվիֆթը դարձել է հաղթող «Տարվա երգչուհի», «Լավագույն կենդանի կատարում», «Լավագույն արտաքին տեսք» անվանակարգերում: Հեռուստադիտողները Ջասթին Բիբերին հաղթող են ճանաչել «Տարվա երգիչ», «Լավագույն փոփ-կատարում», «Լավագույն կենդանի կատարում» և «Լավագույն համաշխարհային կատարում» անվանակարգերում:
Լավագույն հիպ-հոփ կատարող է ճանաչվել երգչուհի Նիկի Մինաժը, իսկ էլեկտրոնային երաժշտության լավագույն կատարող՝ Դևիդ Գետան:
«Լավագույն այլընտրանք» անվանակարգում հաղթող է ճանաչվել Լանա Դել Ռեյը, իսկ «լավագույն ռոք կատարում» մրցանակին արժանացել է Linkin Park խումբը:
Ասիացի կատարողները ևս արժանացել են մրցանակների: PSY հարավկորեացի ռեփերը դարձել է Gangnam style երգի համար «լավագույն տեսահոլովակի» հեղինակ, իսկ լավագույն հաշխարհային կատարող է ճանաչվել Հանա Գենգը Չինաստանից:
Տարվա «լավագույն նորույթ» է ճանաչվել One Direction խումբը, որը ճանաչվել է նաև երկրպագուների ամենամեծ բանակն ունեցող խումբ: Տարվա լավագույն երգ է ճանաչվել Կարլի Ռեյ Ջեփսենի Call Me Maybe-ն: