Ինչպես հաղորդում է «Ազատություն» ռադիոկայանը, Դամասկոսում իրավապահները ցրել են մի քանի տասնյակ հոգանոց ցույցը: Ցույցը տեղի է ունեցել ներքին գործերի նախարարության դիմաց: Ականատեսների վկայությամբ, կան վիրավորներ, մի քանի հոգի ձերբակալվել է:
Դամասկոսում և Սիրիայի այլ քաղաքներում երկրորդ օրն է տեղի են ունենում հակակառավարական ցույցեր:
Չնայած կառավարության կողմից դրված պաշտոնական արգելքին, Դամասկոսի հարյուրավոր քաղաքացիներ երեկ բողոքի ակցիայի են դուրս եկել, որի ընթացքում պահանջել են քաղբանտարկյալների ազատ արձակում:
Բողոքի ակցիայի սկիզբը դրել են 21 քաղբանտարկյալների ընտանիքները: Բողոքի ակցիան տեղի էր ունեցել կրկին ՆԳՆ շենքի դիմաց: Որոշ ժամանակ անց տեղի էր ունեցել ռեժիմի կողմնակիցների հակաակցիան, որի ժամանակ հնչել են հետևյալ կոչերը. «Պաշտպանենք սիրելի նախագահին մեր ոգով, մեր արյունով»: