Մայիսի 28-ին Հայաստանի ազգային հավաքականն անցակացրեց առաջին մարզումը Կրանս-Մոնտանայում, ուր մեր թիմը ժամանել է այսօր:
ԱՄԷ-ի հավաքականի դեմ կայացած ընկերական հանդիպման մեկնարկային րոպեներից հանդես եկած ֆուտբոլիստները մարզվեցին ավելի թեթև ծրագրով՝ անցկացնելով վերականգնողական մարզում: Մնացած ֆուտբոլիստներն անցկացրին լիարժեք մարզում: Այս մասին տեղեկացնում է ՀՖՖ մամլո ծառայությունը:
Հաջորդ մարզումը Հայաստանի ազգային հավաքականը կանցկացնի վաղը՝ մայիսի 29-ին:
Հիշեցնենք, որ մայիսի 31-ին Սիոնի «Ստադ դե Տուրբիոն» մարզդաշում Հայաստանի հավաքականը ընկերական հանդիպում կանցկացնի Ալժիրի հավաքականի դեմ, իսկ հունիսի 6-ին Գերմանիայի Մայնց քաղաքի «Կոֆաս Արենա» մարզադաշտում՝ Գերմանիայի հավաքականի դեմ:
