Ռուսաստանը մտադիր է իրականացնել «Հյուսիսային հոսք» և «Հարավային հոսք» նախագծերը, սակայն եթե Եվրամիությունը խոչընդոտի վերջինիս իրականացմանը, Ռուսաստանը կդիտարկի գազատարի այլ ուղիներ՝ դա կանցնի այն երկրների միջով, որոնք ԵՄ կազմում չեն: Այս մասին գրում է Ria Novosti-ն՝ վկայակոչելով Ռուսաստանի նախագահ Վլադիմիր Պուտինին:
Պուտինը նշել է, որ Եվրամիության իշխանությունները Ռուսաստանին թույլ չեն տալիս օգտագործել Opal գազատարի ողջ հզորությունը:
«Հզորության միայն 50 տոկոսն են թույլ տալիս օգտագործել: Ինչո՞ւ: Ինչ-որ հիմարություն է: Մենք շինարարության մեջ միլիարդավոր դոլարներ ենք ներդրել, ռեսուրսներ տեղադրել Գերմանիայի տարածքին մոտ, իսկ ուղղակի տարածքվ կարող է անցնել միայն 50 տոկոսը»,- ասել է Պուտինը՝ հավելելով, որ շատ բարդ է աշխատել նման պայմաններում, բայց իրենք շարունակելու են ջանքերը: