Շիրակի մարզի Հայրենյաց գյուղի բնակիչ, 20-ամյա Մարտին Գրիգորյանը մայիսի 16-ից հետախուզման մեջ է: Այս մասին այսօր տեղեկացրել էր ոստիկանությունը՝ հավելելով, որ նա անցած տարվա հուլիսին 18-ինՍյունիքի մարզի ընդհանուր իրավասության դատարանի կողմիցդատապարտել է մեկամսյա կալանքի՝զինծառայողի պատիվն ու արժանապատվությունը անպարկեշտ ձևով ստորացնելու, վիրավորանք հասցնելու մեղադրանքով: Այս տարվա մարտի 24-ին դատարանի վճիռը մտել էր ուժի մեջ, սակայն Մարտինը, խուսափելով պատժից, անհետացել է:
Հայրենյաց գյուղի գյուղապետ Գևորգ Մարտիրոսյանը «Առաջին լրատվական»-ի հետ զրույցում ասաց, որ Մարտինն այս պահին ՌուսաստանիԴաշնությունում է, որտեղ մեկնել է արտագնա աշխատանքի: «Հոր խոսքով՝ տղան գնացել է արտագնա աշխատանքի, բայց հիվանդացել է, այս պահին էլ բուժվում է: Հայրն ասում է, որ բուժումից հետո պետք է հետ գա»,-ասաց գյուղապետը՝ հավելելով, որ Մարտինը բանակում լիարժեք ծառայել է, զորացրվել է և նոր միայն տեղի է ունեցել դատավարությունը:
«Ինքը զորացրվել է, եկել է տուն, անցել է մի քանի ամիս: Հետո ինչ-որ դատավարություն եղավ,և նրան դատապարեցին 1 ամսվա ազատազրկման: Մարդը տեղյակ չի եղել դրանից: Ինքը գնացել է Ռուսաստան, հիմա հետախուզում է հայտարարվել նրա նկատմամբ: Ինքը մարտ ամսին գնաց, որից հետո ոստիկանությունը նոր սկսեց հետաքրքրվել նրանով»,-ասաց գյուղապետը՝ ավելացնելով.«Բայց թե ինչպես են զորացրել նրան, ինչպես են նրա անձնագրում կնիք խփել, որ դուրս է եկել հանրապետությունից՝ չեմ կարող ասել»:
Անդրադառնալով Մարտինի կողմից բանակում տեղի ունեցած դեպքին, մասնավորապես մեկ այլ զինծառայողի պատիվն անպարկեշտ ձևով ստորացնելուն, գյուղապետն ասաց, որ ոչնչից, դեպքի մանրամասներից տեղյակ չէ: «Ասում են՝ տղաների մեջ վեճ է եղել, այլ բան չգիտեմ»:
Գյուղապետի խոսքով Մարտինի ընտանիքը սոցիալապես անապահով ընտանիք է, հայրը գյուղի հովիվն է: Վերջինիս հետ կապվել և դեպքի հետ կապված մանրամասներ ճշտել մեզ չհաջողվեց: