Ճապոնիայի տնտեսական անկումը նախօրեին լուրջ ազդեցություն է ունեցել նավթի շուկայի վրա: InterContinental Exchange Futures Europe (IСE Futures Europe էլեկտրոնային բորսայում Brent մակնիշի նավթի գինը նվազել է 5.15 դոլարով` կազմելով 108.52$/բարել:
Նյու Յորքի New York Mercantile Exchange (NYMEX) ապրանքային բորսայում WTI (Light Sweet) մակնիշի նավթի գինը նվազել է 4.01 դոլարով` կազմելով 97.8 $/բարել:
Բացի ճապոնիայի տնտեսության բուն իրավիճակից` շատ ներդնողներ հանում են գումարները ռիսկային ակտիվներից և տեղփոխում դրանք ավելի կայուն ակտիվներ:
Մինչդեռ այսօր ճապոնական ֆոնդային ինդեքսը` Nikkei-ը, սկսել է կրկին աճել: Մարտի 15-ի համեմատ այսօր այն աճել է 5.68%-ով` կազմելով 9,094 կետ: Նախօրեին այն նվազել էր 10%-ով, իսկ մարտի 14-ին` 6.2%-ով:
Այսօր ճապոնական բորսայում աճել են մեքենաշինական ընկերությունները, որոնք նախօրեին զգալի անկում էին արձանագրել: Իսկ ահա ատոմային էներգետիկայի ոլորտում ներգրավված ընկերությունները շարունակում են ազատ անկումը: «Ֆուկուսիմա 1» ատոմակայանի կառավարող TEPCO ընկերությունը նորից կորցրել է 24.57%: Մարտի 15-ին անկումը կազմել էր 24.67%:
Աճին նպաստել է նաև Ճապոնիայի կառավարության հերթական հայտարարությունը, որով իշխանությունները ամրագրեցին, որ ճապոնական տնտեսության վերականգնման համար ուղղում են 50 մլրդ դոլար:
