Եգիպտոսի իշխանությունները այդ երկրի գաղտնի ոստիկանությունը լուծարելու որոշում են կայացրել: Եգիպտոսի ներքին գործերի նախարար Մանսուր Ալ-Իսավին հայտարարել է նոր ծառայության` Ազգային անվտանգության ուժերի ստեղծման մասին: Այս մասին հաղորդում է BBC-ն:
Գաղտնի ոստիկանության լուծարումը ցուցարարների հիմնական պահանջներից մեկն էր, քանի որ նրանց կարծիքով, այդ ծառայության միջոցով էր երկրի նախկին իշխանությունը ճնշում ընդդիմությանը և այլախոհությունն առհասարակ:
Հաճախ այս կառույցն անվանում էին եգիպտական КГБ:
Հեղափոխությունից հետո էլ ցուցարարները չէին դադարեցնում իրենց բողոքի ակցիաները` հարձակում գործելով Գաղտնի ոստիկանության շենքերի վրա:
