Գիտության հիմնահարցերի և միջազգային անվտանգության ամերիկյան ինստիտուտում կարծում են, որ «Ֆուկուսիմա-1» ատոմակայանում տեղի ունեցած վթարը կարող է գնահատվել 6 բալ միջազգային 7 բալանոց սանդղակով: Այս մասին հաղորդում է Associated Press գործակալությունը:
Ինստիտուտում նշել են, որ վերջին պայթյունները և հրդեհը բարդացրել են իրավիճակը և մոտեցրել այն անվտանգության 6-րդ աստիճանին: Շատ հնարավոր է, որ իրավիճակը կարող է հասնել նաև 7-րդ աստիճանին: Ավելի վաղ նման կարծիք էին հայտնել Ֆրանսիայի միջուկային անվտանգության գործակալությունում՝ իրավիճակը Ֆուկուսիմայում գնահատելով 6 բալ:
Մինչդեռ Ճապոնիայում հրապարակվել են զոհերի նոր ցուցակներ: Ըստ ոստիկանության տվյալների` այս պահին հաստատվել է 3767 մահ, անհայտ կորածների ցուցակում 7845 անուն կա: Վիրավորվել է ավելի քան 2000 մարդ: Այս մասին հաղորդում է ճապոնական NHK հեռուստաալիքը: