«Առաջին լրատվական»-ին հայտնի է դարձել, որ մոտ մեկ ժամ առաջ հրազենի գործադրմամբ միջադեպ է տեղի ունեցել ԲՀԿ առաջնորդ Գագիկ Ծառուկյանի երկու մորաքրոջ թոռների միջև:
Տեղեկության համաձայն՝ գործարար հարցերի շուրջ անհամաձայնության պատճառով Ծառուկյանի մորաքրոջ թոռներից մեկը կրակել է մյուսի ոտքին: Խոսքը նախագահի աշխատակազմի աշխատակից Էդվին Թադևոսյանի և Ծառուկյանի մյուս մորաքրոջ թոռան՝ Վարդան անունով գործարարի մասին է:
Ի դեպ՝ կրակողը եղել է նախագահի աշխատակազմի ներկայացուցիչը, որը նաև www.operativ.am կայքի սեփականատերն է:
Դեպքը տեղի է ունեցել Աբովյան քաղաքի սկզբնամասում՝ գազալցակայանի հարևանությամբ: Ոստիկանությունը միջադեպի առթիվ որևէ տեղեկություն չի հայտնում: