Լիմայի «Ալյանսա» ակումբը, որի կազմում հանդես է գալիս Հայաստանի հավաքականի անդամ Մաուրո Գևգեոզյանը, դարձել է Պերուի Copa Inca մրցաշարի հաղթող:
Գևգեոզյանը դարձել է իր թիմի հերոսը՝ «Սան Մարտին»-ի դեմ մրցավեճում: Խաղի ավելացված ժամանակի երկրորդ րոպեին նա գոլ է խփել և իր թիմին փրկել պարտությունից (2:2): Լրացուցիչ ժամանակում, թիմերը մեկական գոլ են խփել՝ 3:3:
Հետխաղյա 11մ հարվածաշարում Գևգեոզյանը դիպուկ է հարվածել, իսկ «Ալյանսա»-ն հաղթել է 5:3 հաշվով:
Հավելենք, որ 28-ամյա հարձակվողը մեր հավաքականին կմիանա Շվեյցարիայում՝ նախապատրաստվելով առաջիկա ընկերական խաղերին:
