Հայաստանի ազգային հավաքականի գլխավոր մարզիչ Բերնար Շալանդն այսօր Ավանի ֆուտբոլի ակադեմիայում կայացած բաց մարզումից հետո պատասխանեց լրագրողների հարցերին.
«Հավաքականում մի շարք նորեկներ կան: Առջևում ունենք 3 ընկերական խաղ, և ցանկանում եմ նրանց գործի մեջ տեսնել:
Անկախ այն հանգամանքից, թե որ հավաքականի հետ ենք խաղալու, չենք ընկրկելու և պայքարելու ենք հաղթանակի համար: Լինի դա Պորտուգալիայի, թե Գերմանիայի հավաքականը: Այո պետք է պաշտպանվել, բայց դա չի նշանակում, որ լիովին պետք է կենտրոնանալ պաշտպանության վրա և մոռանալ հարձակման մասին:
Հարձակումն ու պաշտպանությունը պետք է լինեն թիմային»:
