CNBC հեռուստաընկերության փորձագետի կարծիքով` առաջիկա տասը տարիների ընթացքում ոսկու գինը, գործող գների համեմատ` աննախադեպ աճ կարձանագրի: Կարճաժամկետ կտրվածքով` աճը կդանդաղի, քանի որ վերջին շաբաթների ընթացքում ոսկու գինը կտրուկ բարձրացել է: Բայց դրա աճն անխուսափելի է երկարաժամկետ կտրվածքով: Rogers Holdings ընկերության նախագահ Ջիմ Ռոջերսի կարծիքով,` այն կհասնի 2000 դոլարի` մեկ տրոյական ունցիայի համար: Ըստ մասնագետի, զարմանալու ոչինչ չկա, քանի որ դա է թելադրում համաշխարհային տնտեսության ներկայիս վիճակը: Մասնագետի կարծիքով` «դա արդյունք է Դաշնային պահուստի (Federal Reserve) և Ֆինանսների նախարարության սխալ քաղաքականության: Գործազրկությունը հիմա ավելի շատ է, քան կար ճգնաժամից առաջ: Ընդհանրապես ամեն ինչ հիմա ավելի վատ է: Ներդրողներն, ամեն դեպքում, կշահեն, եթե հումք գնեն: Եթե համաշխարհային տնտեսությունը աճ արձանագրի, ես կշահեմ: Եթե իրավիճակը վատթարանա, ես նույնպես կշահեմ, քանի որ կենտրանական բանկերն ստիպված սկսելու են փող տպել»: