Լևոն Արոնյանն ու Մագնուս Կարլսենը 4-րդ տուրում 1.5-ական միավոր վաստակեցին և շարունակում են գլխավորել մրցաշարային աղյուսակը:
Մոնակոյի Մոնտե Կառլո քաղաքում ընթացող 20-րդ և վերջին Amber մրցաշարի 4-րդ տուրում աշխարհի երրորդ շախմատիստ Լևոն Արոնյանը «կույր» պարտիայում ոչ-ոքի խաղաց Վասիլի Իվանչուկի հետ, իսկ արագ շախմատի պարտիայում Հայաստանի ուժեղագույն գրոսմայստերը պարտության մատնեց ուկրաինացուն:
Նորվեգացի Մագնուս Կարլսենը, ում մրցակիցն այս տուրում Հոլանդիան ներկայացնող Անիշ Գիրին էր, նույնպես «կույր» պարտիայում ոչ-ոքի խաղաց, իսկ արագ շախմատի պարտիայում հաղթող ճանաչվեց:
Այժմ Լևոն Արոնյանն ու Մագնուս Կարլսենն ունեն 6-ական միավոր և վստահորեն գլխավորում են մրցաշարային աղյուսակը:
4-րդ տուրի մյուս պարտիաներում գրանցվեցին հետևյալ արդյունքները.
«Կույր» շախմատ
Գելֆանդ – Թոփալով 1/2
Գրիշչուկ – Անանդ 1/2
Կարյակին – Կրամնիկ 1:0
Նակամուրա – Հաշիմով 1/2
Արագ շախմատ
Թոփալով – Գելֆանդ 1:0
Անանդ – Գրիշչուկ 1:0
Կրամնիկ – Կարյակին 1/2
Հաշիմով – Նակամուրա 0:1: