«Բարգավաճ Հայաստան» կուսակցության Կապանի խորհրդի կազմից հեռացվել է Երևանի գյուղակադեմիայի Կապանի մասնաճյուղի տնօրեն Նարինե Մովսիսյանը:
Հիշեցնենք, որ վերջինս Սամվել Բաբայանի «Դաշինք» կուսակցության ջատագովներից է եղել, ու բոլորովին վերջերս է դարձել ԲՀԿ անդամ:
Կուսակցության Կապանի տարածքային կառույցի անդմաները դեմ էին տիկնոջ անդամակցությանը, բայց քանի որ Գագիկ Ծառուկյանն էր հրահանգել, լուռ համաձայնեցին:
Սակայն Ն. Մովսիսյանը ոչ մի անգամ չի մասնակցել խորհրդի նիստերին, ինչն էլ պատճառ է հանդիսացել նման որոշման:
Մեր աղբյուրներն ասում են, որ Ն. Մովսիսյանը մոտ ապագայում հրաժարվելու է նաև ԲՀԿ-ին անդամակցելուց:
Ն. Մովսիսյանը համոզված էր, որ ԲՀԿ-ն ընդդիմադիր ուժ է դառնալու, ինչի պատճառով էլ համաձայնել էր անդամակցել կուսակցությանը: Ըստ հավաստի աղբյուրների` Ն. Մովսիսյանին առաջարկվել է Սյունիքի մարզպետի օգնականի պաշտոնը՝ երիտասարդության հարցերի գծով: