Այսօր Արմավիր մարզի արհեստական լճերի սեփականատերերից ահազանգ ստացանք, որ Սերժ Սարգսյանի ելույթից հետո արհեստական լճերի վրա նոր հարկեր են դրվել։ Մեզ ասում էին, որ եթե այսպես է Սերժ Սարգսյանը գյուղացու հոգսը թեթևացնում, ապա դա ոչ թե գյուղացուն օգուտ է բերելու, այլ բացված վերքի վրա աղ է ցանելու։
Արմավիրի մարզպետարանի մամուլի քարտուղար Հերմինե Վարդանյանից փորձեցինք հետաքրքրվել, թե ինչով է պայամանավորված այս նոր հարկային քաղաքականությունը։ Նա ասաց, որ այդ հարցին ավելի կոնկերտ կարող է պատասխանել վաղը՝ իրավասու մասնագետների հետ խոսելուց հետո։
