Ինչպես արդեն հայտնել ենք, Պերուի «Ալյանսա» ակումբի հարձակվող Մաուրո Գևգեոզյանը հրավիրվել է Հայաստանի հավաքական: Հայկական ծագում ունեցող 28-ամյա ֆուտբոլիստը նախկինում երբևիցե հանդես չի եկել հայկական որևէ թիմում: Նա նշել է, որ չգիտի, թե ինչպես է հաղորդակցվելու թիմակիցների հետ:
«Երբ փոքր էի, խոսում էի հայերեն: Սակայն տարիներ ի վեր հայրենի լեզուն չեմ կիրառել և հասցրել եմ մոռանալ այն: Կարող եմ անգլերեն խոսել, բայց չգիտեմ կբավարարի՞ արդյոք այն հաղորդակցվելու համար:
Տարիներ շարունակ տեղեկություններ էին շրջանառվում, որ կարող է Հայաստանի հավաքական հրավիրվեմ: Ուրախ եմ, որ պաշտոնական հրավեր ստացա»,- elcomercio. pe-ն մեջբերում է ֆուտբոլիստի խոսքերը: