Բարաք Օբաման Լոս Անջելեսի Kiss FM ռադիոկայանի հետ զրույցում հայտնել է, որ իր վերընտրման դեպքում երդմնակալության արարողության առիթով հրավիրվելիք ավանդական պարահանդեսի համար, մտադիր է ընտրել «շատ ռոմանտիկ կոմպոզիցիա»: Այս մասին տեղեկացնում է ITAR-TASS-ը:
«Հիմա դժվար է խոսել ինչ-որ կոնկրետ կոմպոզիցիայի մասին: Ես պետք է խորհրդակցեմ կնոջս՝ Միշելի հետ: Սակայն ցանկացած պարագայում դա կլինի դանդաղ ու շատ ռոմանտիկ կոմպոզիցիա»,- ասել է Օբաման:
2008թ. Բարաքն ու Միշելն ընտրել էին Բեյոնսեի կատարմամբ At Last երգը: «Այո՛, դա եղել է ճիշտ ու լավ ընտրություն»,- ասել է Օբաման:
Համաձայն վերջին տվյալների՝ Օբաման հաղթում է արդեն երկու «տատանվող» նահանգներում՝ Վիսկոնսինում և Նյու Հեմփշիրում:
