ՍԴՀԿ ատենապետ Լյուդմիլա Սարգսյանին այսօր ծանուցագիր են ուղարկել ոստիկանությունից և հրավիրել բացատրություններ տալու:
Բանն այն է, որ այս անգամ Լյուդմիլա Սարգսյանի դեմ բողոք է ներկայացրել ՍԴՀԿ-ից հեռացված և «Պինգպոնգյան» մականունով հայտնի Գևորգ Պերկուպերկյանը: Վերջինս ոստիկանություն բողոքել էր, որ իբր ինքն ընտրվել է ՍԴՀԿ ատենապետ, մինչդեռ կուսակցության կնիքը շարունակում է մնալ Լյուդմիլա Սարգսյանի մոտ:
Մինչդեռ, տիկին Սարգսյանը մեզ հետ հեռախոսազրույցում հիշեցրեց, որ ՍԴՀԿ-ից հեռացված թևը ժամանակին դիմել էր դատարան՝ վիճարկելով այդ խնդիրը և մերժվել:
Իսկ դատարանի վճիռն արդեն մտել է օրինական ուժի մեջ:
Տիկին Սարգսյանը հակված է կարծելու, որ ՍԴՀԿ-ից հեռացված թևը պարզապես այս օրերին փորձում է իրեն և կուսակցությանը նման բաներով շեղել:
«Փաստորեն, Պերկուպերկյանը Սեդրակ Աճեմյանի գործակալից վերածվել է ոստիկանության գործակալի»,- եզրակացրեց Լյուդմիլա Սարգսյանը:
