Tuesday, 27 02 2024
15:46
Ավելին կարող էի, կուղղեմ սխալներս. Եվրոպայի կրկնակի չեմպիոն Գոռ Սահակյան
15:44
Ուժերս հավաքեցի, կռիվ տվեցի ու առաջին տեղը գրավեցի. Ալեքսանդրա Գրիգորյան
15:42
Արեցի՝ ինչ կարող էի ու հաղթեցի. Եվրոպայի չեմպիոն Վարազդատ Լալայան
15:41
Չեմպիոնության ճանապարհը հեշտ չէր. Հակոբ Մկրտչյան
15:40
Մեդալի գույնը կապ չունի. կարողացա խոստումս պահել, բարձրացնել մեր դրոշը, Հռիփսիմե Խուրշուդյան
21:10
Զուռնա-դհոլով ու դափնիներով դիմավորեցին չեմպիոններին
16:11
Չեմպիոնության համար էի գնացել, հավատում էի, որ կհասնեմ. Արման Անդրեասյան
16:10
Նախ՝ ադրբեջանցի, հետո էլ՝ թուրք մրցակիցներին հաղթեց 10-0 հաշվով ու դարձավ Եվրոպայի քառակի չեմպիոն
Ինչպես գործարքի գնալ ռուսների հետ․ Մանրամասներ Սևիկյանի տրանսֆերից
300․000 եվրո` Ռուսաստանից գնալու համար․ Հայ ֆուտբոլիստի որոշման արժեքը․․․
Մխիթարյանի պատմական ցուցանիշը․ Հայ ֆուտբոլիստը` լավագույն հնգյակում
12:45
Հայաստանի ռեկորդն առանց աշխարհի չեմպիոնի
Լավագույն տղերքը վերադառնում են․ Ֆուտբոլը փրկելու առաջին քայլը․․․
Ռուսաստանի լավագույններն առանց ռուսների․ Ո՞վ կհաջորդի Զախարյանին
«Փյունիկի» պատասխանը ՀՖՖ-ին․ Արթուր Սողոմոնյանը կփոխի՞ որոշումը
Սպերցյանը՝ «Յուվենտուսի» դիտակետում․ Ե՞րբ կկայանա գործարքը
Տարվա գործարքը․ Նոր պայմաններ Հայաստանի լավագույն ֆուտբոլիստի համար
Հաղթել ենթախմբում․ Ինչ է սպասվում Հայաստանի հավաքականին 2024 թվականին
Հայաստան-Ալբանիա․ 2024 թ․ առաջին մեծ իրադարձությունը հայկական սպորտում
2023 թվականի Հայաստանի 10 ամենթանկ ֆուտբոլիստները
12:40
Պատական հաջողություն Երևանում․ 2023 թվականի ոսկե փայլատակումը հայկական սպորտում
12:40
+128 մեդալ․ Հայաստանի նոր ռեկորդը սպորտում
Ինչ է արել Պետրակովը Հայաստանի հավաքականի համար․ Թվեր և փաստեր
Ալեքսանդր Պետրակովը՝ Հայաստանի 2023 թ. լավագույն մարզիչ
Հենրիխ Մխիթարյանը՝ Հայաստանի 2023 թ. լավագույն ֆուտբոլիստ
ՀՖՖ-ի որոշումը Պետրակովի վերաբերյալ․ Գալիք տարվա մեր նպատակը․․․
4 միլիոն եվրո․ Մանրամասներ Հենրիխ Մխիթարյանի պայմանագրից
2023 թվականի Հայաստանի լավագույն մարզիչը
22:30
Արգենտինայի ֆուտբոլի ֆեդերացիան հայտարարություն է տարածել
2023 թվականի Հայաստանի լավագույն ֆուտբոլիստը

Հայկական ֆուտբոլը ճանաչված և ընդունված է ֆուտբոլային տերությունների կողմից. Ռուբեն Հայրապետյան

Մայիսի 17-ին ՀՖՖ Տեխնիկական կենտրոնում` ֆուտբոլի ակադեմիայում, տեղի ունեցավ ՀՖՖ 12-րդ տարեկան ժողովը:

Ժողովում հաշվետվությամբ հանդես եկավ ՀՖՖ նախագահ Ռուբեն Հայրապետյանը: Նախորդ ֆինանսական տարվա հաշվապահական հաշվեկշիռը և ֆինանսական հաշվետվությունը ներկայացրեց ՀՖՖ առաջին փոխնախագահ և գործադիր տնօրեն Արմեն Մինասյանը:

Միջոցառմանը ներկա էր նաև ՈՒԵՖԱ-ի Գործկոմի անդամ Սերգեյ Ֆուրսենկոն:

ՀՖՖ պաշտոնական կայքը ներկայացրել է կազմակերպության նախագահ Ռուբեն Հայրապետյանի ելույթը

Համաժողովի հարգելի մասնակիցներ, հարգարժան հյուրեր,

Ողջունում եմ ձեզ Հայաստանի ֆուտբոլի ֆեդերացիայի 12-րդ համաժողովում:

Ուզում եմ հակիրճ ներկայացնել այն կարևորագույն և առաջնային խնդիրները, որոնք լուծել ենք այս ընթացքում՝ հետևելով ֆուտբոլի զարգացման մեր ծրագրային քաղաքականությանը:

Ինձ համար հիմնական և ֆունդամենտալ խնդիրը իմ պաշտոնավարության բոլոր տարիներին եղել է և մնում է ֆուտբոլային ենթակառուցվածքների, ժամանակակից մանկապատանեկան ֆուտբոլի ստեղծումը և զարգացումը, ազգային հավաքական թիմերի առջև դրվող խնդիրների իրագործման համար հիմքերի շարունակական ապահովումը:

Կարևոր եմ համարում նաև նպաստավոր համագործակցությունը ՈՒԵՖԱ-ի եւ ՖԻՖԱ-ի կառույցների հետ, միջազգային կրթական և վերապատրաստման ծրագրերում ներգրավված լինելը, ֆուտբոլի մասսայականացումը, ազգային առաջնության հետևողական զարգացման համար հետագա նախադրյալների ստեղծումը:

Անցյալ տարի, երբ գումարում էինք մեր ընդհանուր ժողովը, նշեցինք, որ Գյումրիում ֆուտբոլի ակադեմիայի կառուցումից հետո ֆուտբոլը նոր զարգացում կարող է ապրել ամբողջ Շիրակի տարածաշրջանում:

Այդ ժամանակ մենք նոր էինք սկսել Գյումրիի ֆուտբոլի ակադեմիայի կառուցումը:

Այսօր կարող եմ բոլորիդ տեղեկացնել, որ Գյումրիում արդեն ավարտվել է ֆուտբոլի ակադեմիայի կառուցումը: Շիրակի տարածաշրջանի համար ստեղծվել է նախադեպը չունեցող ժամանակակից ֆուտբոլային մի ենթակառուցվածք, որի հանդիսավոր բացմանը կմասնակցենք առաջիկայում:

Այսօր արդեն Գյումրիում ունենք 8 հեկտար տարածություն զբաղեցնող, արհեստական 2 և բնական խոտածածկով 6 խաղադաշտերով, մարզչական, մրցավարական և այլ ենթակառուցվածքների գործունեությունն ապահովող 400 քառակուսի մետր տարածք զբաղեցնող եռահարկ կառույցով այնպիսի ֆուտբոլային մի ենթակառուցվածք, որ Գյումրին երբեք չի ունեցել: Վստահ եմ, որ այն նոր զարգացում է ապահովելու հայկական ֆուտբոլի համար: Այն մեծ նշանակություն է ունենալու Շիրակի ողջ տարածաշրջանում ֆուտբոլի և հատկապես մանկապատանեկան ֆուտբոլի կայացման համար:

Գյումրիի ակադեմիան մեծ դեր է ունենալու նաև, ընդհանրապես, այդ տարածաշրջանի մարզական կյանքում: Ճիշտ կառավարելու, տնօրինելու և շահագործելու դեպքում, իսկ հակառակը ես երբեք թույլ չեմ տա, այն նաև կարևոր տնտեսական և սոցիալական նշանակություն է ունենալու մեր երկրի հյուսիսի համար:

Մեր նախորդ համաժողովից հետո մենք շահագործմանն ենք հանձնել նաև ՀՖՖ տեխնիկական կենտրոնի՝ Ֆուտբոլի ակադեմիայի 2500 նստատեղով, ծածկած տրիբունայով, 3000 մետր քառակուսի օգտակար մակերեսով և սպասարկման շինություններով նորակառույց մարզադաշտը:

Այդ իրադարձությունից օրեր անց, արհեստական խոտածածկով եւ 400 տեղով ծածկած տրիբունայով հերթական խաղադաշտն է բացվել Լեռնային Ղարաբաղում՝ Շուշիում: Օրեր առաջ նորակառույց մարզադաշտ բացվեց նաև Լեռնային Ղարաբաղի Հադրութի շրջանում:

Մենք սկսել ենք նաև Վանաձորի ֆուտբոլի ակադեմիայի շինարարական աշխատանքները: Առաջիկայում մենք զարգացած ֆուտբոլային ենթակառուցվածք կունենանք նաև մեր երկրի այս տարածաշրջանում:

Դրա արդյունքում ինչպես Վանաձորը, այնպես էլ ամբողջ Լոռվա տարածաշրջանը կունենան ֆուտբոլի զարգացման լուրջ հեռանկարներ, մարզական կյանքը, տնտեսական և սոցիալական ենթակառուցվածքները զարգացնելու նախադրյալներ:

Ես մշտապես ասել եմ, որ միայն ֆուտբոլային ենթակառուցվածքների զարգացմամբ կարող ենք նպաստել մանկապատանեկան ֆուտբոլի, ֆուտբոլային տնտեսության զարգացմանը Հայաստանում:

Սա միակ երաշխիքն է, որ ապագայում կարող ենք ունենալ զարգացած ֆուտբոլային համակարգ և նոր մտածողությամբ ֆուտբոլային սերունդ:

Մեր այս քաղաքականությունն իրեն արդեն զգացնել տվել է: Դրա հետևանքները նկատվում են ինչպես բոլոր տարիքային ազգային հավաքական թիմերի մակարդակով, այնպես էլ մանկապատանեկան ֆուտբոլում մասնակիցների ընդգրկված լինելու մեծ աճով:

Այս ամենը ավելի ակնհայտ կմիջամտի հայկական ֆուտբոլին առաջիկայում, որովհետև ֆուտբոլը տարիների ներդրում է պահանջում:

Իսկ այս ներդրումները հնարավոր է իրականացնել միայն կայուն և երկար ֆինանսական միջոցների առկայության դեպքում: Ինչպես կտեսնեք քիչ հետո ներկայացվող ֆինանսական հաշվետվությունից, այդ խնդիրը ևս կարողացել ենք բավական հաջողությամբ լուծել:

Համաժողովի հարգելի մասնակիցներ

Անցյալ տարի, մեր ընդհանուր ժողովի գումարման օրերին Հայաստանի ազգային հավաքականը ՖԻՖԱ-ի դասակարգման աղյուսակում զբաղեցնում էր 66-րդ հորիզոնականը: Այսօր Հայաստանի ազգային հավաքականը զբաղեցնում է 33-րդ հորիզոնականը:

Իհարկե, այս արդյունքը չի կարող ինձ բավարարել: Իհարկե, ես սա արդյունք չեմ համարում, որովհետեւ հավաքականի առջև խնդիր էր դրված դուրս գալ եզրափակիչ փուլ: Բայց և չեմ կարող չնշել, որ ազգային հավաքականի մասով կատարվել է հսկայական լուրջ աշխատանք:

Ինչպես գիտեք Հայաստանի ազգային հավաքականն այսօր ունի նոր գլխավոր մարզիչ, որի առջև դրված են լրջագույն խնդիրներ: Մենք միասին, նկատի ունեմ գործադիր կոմիտեի անդամների հետ, ծանոթացել ենք նրա ներկայացրած ծրագրերին:

Առաջիկայում Հայաստանի ազգային հավաքականի գլխավոր մարզչի կողմից կներկայացվի բոլոր տարիքային ազգային հավաքական թիմերի, մանկապատանեկան ֆուտբոլի զարգացման արդեն երկարաժամկետ ծրագիրը:

Այս պահին էլ մեր ազգային հավաքականի, բոլոր տարիքային հավաքական թիմերի համար ընթանում են ծրագրով նախատեսված հավաքներ, ընկերական հանդիպումներ: Ինչպես գիտեք, ազգային հավաքականն առաջիկա օրերին երկարատև հավաք և ընկերական հանդիպումների շարք է ունենալու:

Հայաստանի ֆուտբոլի ֆեդերացիան ապահովել է և միշտ ապահովելու է բոլոր նախադրյալները, որպեսզի մենք կարողանանք արձանագրել մեր ցանկացած հաջողությունները:

Ինչպես արդեն ասացի, մեր քաղաքականության մեջ կարևոր դեր է հատկացված նաև միջազգային կրթական և վերապատրաստման ծրագրերում ներգրավված լինելուն: Այս ուղղությամբ ևս կատարված է մեծ ծավալի աշխատանք:

Այս ընթացքում մեր մարզիչները մասնակցել են ՈՒԵՖԱ-ի՝ մարզիչների գիտելիքների փոխանակման միջազգային ծրագրերին, մարզչական կրթության սեմինարների, իրականացվել են մարզչական արտոնագրերի տրամադրման գործընթացները բոլոր մակարդակներով:

Հայաստանի ֆուտբոլի ֆեդերացիան շարունակել է ներդրում ունենալ մասսայական ֆուտբոլի զարգացման ծրագրերում:

Իրականացվել են նախագծեր, որոնք արժանացել են ՈՒԵՖԱ-ի կարևոր մրցանակների: Մենք շատ կարևոր ենք համարում մասսայական ֆուտբոլի զարգացումը, որովհետև այդտեղից է ճանապարհը դեպի պրոֆեսիոնալ ֆուտբոլ:

Ինչպես նշեցի իմ խոսքի սկզբում, մենք կարևոր ենք համարում ազգային առաջնության զարգացման համար հետագա նախադրյալների ստեղծումը:

Այս ուղղությամբ ևս, Հայաստանի ֆուտբոլի ֆեդերացիայի համապատասխան ստորաբաժանումները կատարել են ծավալուն աշխատանք:

Հանրային քննարկման են դրվել առաջնության կազմակերպման կանոնակարգային խնդիրները, կատարվել է ակումբների արտոնագրման բազմակողմանի համեմատական վերլուծությունը:

Սրանք խնդիրներ են, որոնք քաղաքականության առումով կարող են էական դեր խաղալ առաջիկայում:

Համաժողովի հարգելի մասնակիցներ

Ինչպես գիտեք, ես երբեք բավարարված չեմ զգացել կատարված աշխատանքներով և շարունակելու ենք իրագործել մեր ծրագրային քաղաքականությամբ նախատեսված բոլոր խնդիրները:

Հայկական ֆուտբոլը լինելու է մի ուրիշ հանգրվանում, չնայած, այն արդեն այլ հարթությունում է՝ ճանաչված և ընդունված ֆուտբոլային տերությունների կողմից:

Շնորհակալություն

Բաժիններ
Ուղիղ
Լրահոս
Որոնում