Грузия Online-ի փոխանցմամբ՝ Վրաստանի գլխավոր դատախազությունը հետաքննություն է սկսելու ներքին գործերի նախկին նախարար Բաչո Աալայային հասցեագրված բոլոր մեղադրանքների գործով: Այս մասին հայտարարել է Վրաստանի գլխավոր դատախազ Արչիլ Կբիլաշվիլին.
«Բաչո Ախալայան անպայման պետք է հարցաքննության կանչվի դատախազություն: Դատախազության պարտականությունն է ուսումնասիրել ԶԼՄ-ների տարածած տեղեկատվությունը, անցկացնել հետաքննություն, ներկայացնել դրա կոնկրետ արդյունքները:
Ախալայայի վերաբերյալ արվել են շատ հայտարարություններ, և հաղորդվել է մեծ քանակությամբ տեղեկատվություն: Բնականաբար, մենք կսկսենք դրանց հետազոտումից ու մշակումից: Թեև, ըստ հասարակական կարծիքի, նա մեղավոր է, այնուամենայնիվ, դատախազությունը պետք է գործի կոնկրետ ապացույցներով»:
