APA լրատվական գործակալության հաղորդմամբ, ԵԱՀԿ Մինսկի խմբի համանախագահները ուղևորվել են Երևան:
Ժուռնալիստների հետ հանդիպման ժամանակ Ֆրանսիայի համանախագահ Բեռնար Ֆասյեն ասել է, որ այսօր նրանք հանդիպել են Ադրբեջանի նախագահ Իլհամ Ալիևի և ԱԳ նախարար Էլմար Մամեդյարովի հետ:
«Մենք քննարկել ենք երեք կարևոր հարց` Սոչիի հանդիպման արդյունքները, ԵԱՀԿ փաստահավաք հանձնաժողովի հաշվետվությունը և շփման գծից դիպուկահարների երկկողմանի հեռացումը»:
Նշելով, որ փաստահավաք հանձնաժողովի հաշվետվությունը ներկայացվել է Ադրբեջանին` Ֆասյեն հավելել է, որ մինչև այն չներկայացվի հակամարտող մյուս կողմին, իրենք չեն կարող խոսել դրա մանրամասներից:
Դիվանագետն անդրադարձել է նաև իննամյա երեխայի սպանության դեպքին և նշել. «Ավելի քան երկու տարի է մենք զգուշացնում ենք երկու կողմերին էլ, որ շփման գծից հեռացնեն դիպուկահարներին: Եթե մեզ լսեին, նման դեպք չէր լինի»:
