Թուրքիայի վարչապետ Ռեջեփ Էրդողանը նոյեմբերի 3-4-ը պաշտոնական այց է կատարելու Կոսովո: Anadolu լրատվական գործակալության փոխանցմամբ, այդ մասին հայտնել է Էրդողանի մամուլի գրասենյակը` նշելով, որ սա Թուրքիայի վարչապետի առաջին այցն է 2008թ. անկախություն հռչակած Կոսովո: Նախատեսված են Էրդողանի հանդիպումները Կոսովոյի գործող նախագահ եւ խորհրդարանի խոսնակ Յակուպ Կրասնիքիի եւ վարչապետ Հաշիմ Թաչիի հետ: Թուրքիայի վարչապետը կայցելի նաեւ թուրքական մշակութային ժառանգության վայրեր, կհանդիպի տեղի թուրք համայնքի ներկայացուցիչների հետ, կկատարի Թուրքիայի համագործակցության եւ զարգացման գործակալության կողմից Կոսովոյում իրականացվելիք նախագծերի հանդիսավոր բացումը: Թուրքիան Կոսովոյի անկախությունը ճանաչած 71 երկրների թվում է:
