Ճապոնիայի վարչապետն իր վրդովմունքն է արտահայտել ատոմակայանում ստեղծված իրավիճակի մասին տեղեկատվության տարածման վերաբերյալ: Վարչապետը քննադատությամբ է հանդես եկել ատոմակայանը կառավարող Tokyo Electric Power Co. (TEPCO) ընկերութան ղեկավարության գործողությունների վերաբերյալ: Նա հայտնել է նաև, թե հեռուստատեսությունից է իմացել, որ «Ֆուկուսիմա-1» ատոմակայանում տեղի է ունեցել պայթյուն:
«Պայթյունի մասին հաղորդում են հեռուստատեսությամբ: Իսկ վարչապետը դրա մասին իմանում է ընդամենը մեկ ժամ անց»,- ասել է Նատոտո Կանը` դիմելով Tokyo Electric Power Co. (TEPCO) ընկերության ղեկավարությանը: Այս մասին հաղորդում է Reuters գործակալությունը: «Ի՞նչ է ընդհանրապես այստեղ կատարվում»,- վրդոված ասել է վարչապետը: Վարչապետը նաև նշել է, որ արգելում է կառավարող ընկերությանը իր աշխատակիցներին դուրս բերել վթարված ատոմակայանից` պահանջելով վթարների վերացման աշխատանքներրը շարունակել տեղում:
Հիշեցնենք, որ «Ֆուկուսիմա-1» ատոմակայանում երեք օր շարունակ տեղի են ունենում պայթյուններ և ռադիոակտիվ նյութերի արտահոսք, քանի որ շարքից դուրս է եկել ատոմակայանի ռեակտորների հովացման համակարգը:
