Մոսկվայի «Սպարտակ»-ի և Հայաստանի հավաքականի կիսապաշտպան Արաս Օզբիլիսը մեկնաբանել է «Կռիլյա Սովետով»-ի դեմ խաղից հետո ասած իր խոսքերը: Հիշեցնենք` ֆուտբոլիստը հայտարարեց. «այժմ «Մանչեսթեր Յունայթեդ»-ը հաստատ այլևս չի հետաքրքրվի իմ ծառայություններով»:
««Կռիլյա Սովետով»-ի դեմ խաղից հետո հուզված էի և էմոցիոնալ ելույթ ունեցա: Հասկանալի է, որ եթե «Յունայթեդ»-ը կամ որևէ այլ ակումբ հետաքրքրված լինի իմ ծառայություններով, ապա մեկ անհաջող հանդիպման պատճառով հիասթափություն չի լինի:
Բայց ցանկացած դեպքում, այժմ կենտրոնացած եմ «Սպարտակ»-ի ելույթների վրա: Իմաստ չունի խոսել այլ ակումբների մասին: «Մանչեսթեր Յունայթե՞դ»-ը. սպասեք ևս մեկ տարի: Երբ «Սպարտակ»-ը չեմպիոն կդառնա, այն ժամանակ կտեսնենք»,- «Спорт-экспресс»-ը մեջբերում է Օզբիլիսի խոսքերը: