Մոսկվայի «Սպարտակ»-ի հարձակվող Յուրա Մովսիսյանն իր կարծիքն է հայտնել մրցաշրջանի գարնանային փուլում թիմի անկման վերաբերյալ: Հայաստանի հավաքականի ֆուտբոլիստը նշել է, որ ֆուտբոլիստների խնդիրները կապված չեն ֆիզիկական վիճակի հետ:
«Հավատը. ահա և պատասխանը: Մենք, պարզապես, այլևս չենք հավատում, որ կարող ենք հաղթել: Չենք հավատում մեր ուժերին, չենք հավատում, որ նախկինի պես մեծագույն ակումբ ենք: Թիմի հետ բազմաթիվ տհաճ իրադարձությունններ կատարվեցին: Բայց ես հավատում եմ, որ «Սպարտակ»-ը փայլուն ապագա ունի:
Ֆիզիկական վիճակի հետ կապված խնդիրներ չկան: Ընդհանրապես համաձայն չեմ նրանց հետ, ով քննադատում է մեզ: Հավատացեք, ֆիզիկական առումով թիմը գերազանց վիճակում է»,- «Спорт-экспресс»-ը մեջբերում է Մովսիսյանի խոսքերը:
