Այսօր Նոր Նորքի Սբ Սարգիս եկեղեցում Հ. Պարոնյանի անվան երաժշտական կոմեդիայի թատրոնի սիրված դերասանուհի Սվետլանա Գրիգորյանին վերջին հրաժեշտը տալու էին եկել նաև ՀՀ ԱԺ նորընտիր նախագահ Գալուստ Սահակյանը, ՀՀ ոստիկանապետ Վլադիմիր Գասպարյանը, ԱԺ փոխնախագահ Հերմինե Նաղդալյանը, նրա արվեստի երկրպագուներ, քաղաքացիներ:
«Ես 13 տարեկանից ճանաչում են Սվետլանա Գրիգորյանին՝ Սվետիկին, և ինքը ինձ համար միշտ Սվետիկ է եղել: Մենք այդպես էինք խոսում նույնիսկ այս տարիքում»,- «Առաջին լրատվական»-ի հետ զրույցում ասաց ՀՀ ոստիկանապետը: Վերջինս ափսոսանքով նշեց, որ այստեղ գալով էլ անգամ չգիտեր՝ ուր է գալիս ու ինչու է գալիս: «Գալուց էլ չգիտեի՝ ներս մտնե՞մ, թե՞ չմտնեմ»,- նշեց Վլադիմիր Գասպարյանը՝ ընդգծելով, որ միշտ կլինեն փոխարինողներ, «տեսակի խնդիրն է»:
Հիշեցնենք, որ Սվետլանա Գրիգորյանը մահացել է մայիսի 12-ին 84 տարեկան հասակում:
