ՀՀ նախկին վարչապետ, ՀԱԿ խմբակցության պատգամավոր Հրանտ Բագրատյանը Facebook-ի իր էջում գրել է.
Այսօր օրենսդրական նախաձեռնության կարգով ՀՀ կառավարությանն եմ ներկայացրել ՀՀ օրենքը «2013-2017թթ. Գիտության ֆինանսավորման չափերի և կարգի մասին»
Հոդված 1. Սույն օրենքը կարգավորում է 2013-2017թթ. գիտության ֆինանսավորման չափերի եւ կարգի իրավական հիմունքները:
Հոդված 2. ՀՀ գիտության բնագավառի ծախսերը 2013 թվականի համար սահմանել 2011 թվականի ՀՆԱ-ի (3776 մլրդ դրամ) 1 տոկոսի չափով:
Հոդված 3. ՀՀ գիտության բնագավառի ծախսերը 2014 թվականի համար սահմանել 2012 թվականի ՀՆԱ-ի 1.1 տոկոսի չափով:
Հոդված 4. ՀՀ գիտության բնագավառի ծախսերը 2015 թվականի համար սահմանել 2013 թվականի ՀՆԱ-ի 1.2 տոկոսի չափով:
Հոդված 5. ՀՀ գիտության բնագավառի ծախսերը 2016 թվականի համար սահմանել 2014 թվականի ՀՆԱ-ի 1.3 տոկոսի չափով:
Հոդված 6. ՀՀ գիտության բնագավառի ծախսերը 2017 թվականի համար սահմանել 2015 թվականի ՀՆԱ-ի 1.4 տոկոսի չափով:
Հոդված 7. 2013 թվականից գիտության բնագավառի ֆինանսավորման նկատմամբ սահմանել բազիսային ֆինանսավորման լիմիտ` Հոդված 2-ում նախատեսված ծախսերի մինչեւ 20 տոկոսի չափով:
Հոդված 8. 2014 թվականից գիտության բնագավառի ֆինանսավորման նկատմամբ սահմանել բազիսային ֆինանսավորման լիմիտ` Հոդված 3-ում նախատեսված ծախսերի մինչեւ 10 տոկոսի չափով:
Հոդված 9. 2015 թվականից սկսած բազիսային ֆինանսավորման տողը սահմանել գիտությանը հատկացվող միջոցների ոչ ավելի քան 2 տոկոսի չափով:
Հոդված 10. Սույն օրենքն ուժի մեջ է մտնում 2013 թվականի հունվարի 1-ից:
